АНЛАЙН СТАЖЫРОЎКА ДЛЯ СТУДЭНТА:К І МАГІСТРАНТА:К ЮРЫДЫЧНЫХ СПЕЦЫЯЛЬНАСЦЯЎ

• Каб распаўсюджваць веды пра правы чалавека.
• Каб павялічваць колькасць носьбітаў каштоўнасцяў правоў чалавека сярод маладых беларуса:к.
• Каб павялічваць прафесійны патэнцыял маладых беларускіх юрыста:к для ўмацавання беларускай юрыдычнай супольнасці.
• Каб перадаваць практычны вопыт і навыкі працы з правамі чалавека ў розных сферах праваабароны: адвакацыя, аналітыка, адукацыя і г.д.
• Каб умацоўваць рэсурсны патэнцыял беларускага праваабарончага сэктара. Мы падтрымліваем сувязі с выпускнікамі, пры жаданні яны супрацоўнічаюць з намі, а таксама з іншымі беларускімі праваабарончымі АГС далей.

Стажыроўка складаецца з дзвюх частак: тэарэтычнай і практычнай.

🟢Тэарэтычная частка

1.🟩💭У вас будзе магчымасць паўдзельнічаць у 3-х прафесійных дыскусіях (1 раз у месяц) і абмеркаваць абмяркаваць з с эксперткамі БХК розныя аспекты правоў чалавека па тэмах, якія вы абіраеце з прапанаваных, уключаючы магчымасць прапанаваць сваю.

Прыкладны спіс прапанаваных тэмаў для дыскусій:

• Каштоўнасці і эвалюцыя правоў чалавека. Роля праваабароны.
• Прынцып недыскрымінацыі.
• Міжнародныя механізмы абароны правоў чалавека.
• Бізнес і правы чалавека.
• Міжнароднае гуманітарнае права: мэты, прынцыпы, прымяненне ў бягучых узброенных канфліктах. Міжнароднае гуманітарнае права і правы чалавека.

Цягам гэтых дыскусій у вас таксама будзе магчымасць запытаць і абмеркаваць любыя пытанні, датычныя правоў чалавека, міжнароднага права, вяршэнства права, якія ў вас засталіся з папярэдніх адукацыйных актыўнасцяў, вашага асабістага жыццёвага вопыту, інфармацыі з медыя і г.д.

2.🟩🏄🏻 Пракачаць свае soft skills па наступных тэмах (1 раз у месяц):

• Экстрэмізм у беларускім заканадаўстве і практыцы: базавая тэхніка бяспекі
• Тэхналогіі і legal research.
• Эфектыўная камунікацыя.

3.🟩👩🏻‍⚖️ Паўдзельнічаць у moot court сесіі (мадэляванне разгляду кейса па правах чалавека ў адным з міжнародных механізмаў).

🟣Практычная частка

Вы будзеце дапамагаць у шэрагу бягучых задач БХК: напісанне чарнавікоў дакументаў, сбор і аналіз інфармацыі і г.д. За стажор:кай замацоўваецца персанальны ментар:ка з каманды БХК, як:ая дапамагае, каментуе, дае водгукі і парады і г.д.

🏅Па ітогу стажыроўкі тыя, хто паспяхова яе прайшлі, атрымліваюць сертыфікат і па жаданні далучаюцца да Alumni кам'юніці.

Падчас стажыроўкі вы дазнаецесь больш пра:

• Правы чалавека як сістэму каштоўнасцяў.
• Узаемасувязь і сістэму каардынатаў “носьбіт абавязкаў па правах чалавека” (“duty bearer”: дзяржава, бізнэс) — “носьбіт правоў” (“rights holder”: чалавек).
• Узаемасувязь правоў чалавека з іншымі інстытутамі, грамадскімі працэсамі і мэтамі развіцця грамадства: дэмакратыя, мір і бяспека, эканамічнае развіцце, экалогія, глабалізацыя.
• Развіццё сістэмы правоў чалавека ў кантэксце новых адказных актараў (бізнэс).
• Прафесійныя этычныя нормы ў працэсе прасоўвання і/ці абароны правоў чалавека (у тым ліку аб Прынцыпах дзейнасці беларускіх праваабаронцаў).
• Розныя вымярэнні і разуменні паняцця “праваабарона” і “праваабаронца” (шырокае і вузкае). Праваабарона і палітыка: функцыі, суаднясенне і адрозненні.
• Сутнасць дыскрымінацыі як прававой і сацыяльнай з’явы.
• Правы чалавека ў сітуацыях узброеных канфліктаў, Міжнароднае гуманітарнае права (МГП).
• Міжнародныя механізмы абароны правоў чалавека (універсальны і рэгіянальныя ўзроўні). Пра міжнародныя механізмы і працэдуры маніторынгу за выкананнем дзяржавай сваіх абавязкаў па правах чалавека, у тым ліку працуючых для Беларусі на дадзены момант.

Вы будзеце мець магчымасць навучыцца:

• Шукаць афіцыйную прававую інфармацыю па правах чалавека.
• Вызначаць, аналізаваць і выкарыстоўваць міжнародна-прававыя нормы ў галіне правоў чалавека.
• Вызначаць парушэнні правоў чалавека на аснове міжнародных стандартаў і нацыянальнага заканадаўства.
• Структураваць свае аргументы і прыклады на аснове міжнародных стандартаў.
• Выкарыстоўваць у аргументацыі тэрміналогію правоў чалавека.

Для каго: Беларускія студэнт:кі 2-4 курсаў, магістрант:кі і выпускні:цы* юрыдычных спецыяльнасцяў (міжнароднае права, правазнаўства, і г.д), якія навучаюцца як у Беларусі, так і па за яе межамі.

*Для бакалаўрыяту — не пазней за 3 гады з выпуску, для магістратуры — не пазней за 1 год.

Тэрмін стажыроўкі: 3 месяцы, 2 кастрычніка 2025 – 24 снежня 2025.

Фармат: анлайн з магчымасцю афлайн сустрэч для тых, хто ў Вільні.

Занятасць: ад 8 (мінімум) да 15 гадзін на тыдзень.

Дэдлайн: тэрмін падачы заяўкі12 верасня 2025 г. уключна. Увага, патрэбна прымацаваць CV.

Адбор: Вынікі першага этапа адбору будуць вядомыя не пазней за 18 верасня. Адабраныя ўдзельні:цы будуць запрошаны на другі этап адбору (інтэрв'ю). Канчатковае рашэнне будзе абвешчана не пазней за 1 кастрычніка.

Крытэры адбора (ацэньваюцца ў супастаўленні з іншымі кандыдатамі):

• Наяўнасць каштоўнаснай матывацыі да працы з правамі чалавека.
• Жаданне атрымаць новыя веды.
• Гатоўнасць уцягвацца мінімум 8 гадзін у тыдзень.
• Добрае валоданне замежнай мовай.
• Аналітычныя здольнасці, нестандартнасць мыслення.
• Добрае веданне права (суадносна курсу/узроўню навучання).
• Наяўнасць вопыту ў рабоце з правамі чалавека (тэарэтычнага і практычнага).
• Наяўнасць дадатковага досведу працы з пошукам прававой інфармацыі і аргументацыяй (напрыклад, moot courts).